Men Isroilning kimligini bilib, aqldan ozay dedim – Terens o‘zbekistonlik raqibi haqida

O‘rta vazn toifasida mutlaq jahon chempioni, WBC va WBA kamarlari egasi, yengilmas Terens Krouford bugun, 3 avgust kuni o‘zbekistonlik super yarim o‘rta vazn toifasida WBA kamari sohibi Isroil Madrimov bilan ringga chiqadi. U jang oldidan intervyu berib, raqibi haqida gapirdi.

“Men u haqda birinchi marta eshitganimda O‘zbekistonga borgan edim. Hamma u haqida gapirardi va men uning ma’lumotlari va videolarini ko‘rib chiqdim. Aqldan ozish mumkin. Bu yigit juda oz muddat jang qiladi va yutib chiqadi.  Nima deyayotganimni tushunyapsizmi? Uning har safar chempion bo‘lganini tomosha qilish, keyin esa u bilan jang qilishga tayyorgarlik ko‘rish shunchaki dahshat. Ha, biz Isroil haqida ko‘p narsani bilamiz. Bu oson jang bo‘lmasligini ham. U kuchli va bardoshli. Ammo bilasizmi, bu safargi jang mening vaqtim ekanini his qilyapman”, degan u. 

Eslatib o‘tamiz, avvalroq Isroil Madrimov Terens Kroufordga qarshi jang oldidan intervyu berib, “chempionlik kamarini saqlab qolishini” aytgan edi.