Men Bellingemning muxlisiman – Vinisius Junior
Sport
−
15 may 2918
“Real” hujumchisi Vinisius Junior Jud Bellingemni Madrid klubiga olib kelishiga yordam berganini aytdi.
La Liganing 36-turida “Real” “Alaves”ni mag‘lub etdi (5:0). Vinisius dubl qayd etdi, Bellingem esa bitta gol urdi va ikkita golli uzatmani amalga oshirdi.
“Judaning “Real”ga o‘tishi uchun qo‘limdan kelgan barcha ishni qildim. Men uning ashaddiy muxlisiman. Umid qilamanki, u La Liganing eng yaxshi to‘purari bo‘ladi. Men unga bu borada yordam bermoqchiman. Jud va men bir-birimizni yaxshi tushunamiz”, deydi Vinisius
Ispaniya chempionati tugashiga ikki tur qolganida Bellingem “Vilyarreal”dan Aleksandr Serlot bilan birga La Liga to‘purarlari ro‘yxatida 2-o‘rinni egallab turibdi. To‘purarlar poygasi peshqadami “Jirona” hujumchisi Artyom Dovbik bo‘lib turibdi. Uning hisobida 20 ta gol mavjud.
