Мен Беллингемнинг мухлисиман – Винисиус Жуниор
Спорт
−
15 Май 2698
“Реал” ҳужумчиси Винисиус Жуниор Жуд Беллингемни Мадрид клубига олиб келишига ёрдам берганини айтди.
Ла Лиганинг 36-турида “Реал” “Алавес”ни мағлуб этди (5:0). Винисиус дубль қайд этди, Беллингем эса битта гол урди ва иккита голли узатмани амалга оширди.
“Жуданинг “Реал”га ўтиши учун қўлимдан келган барча ишни қилдим. Мен унинг ашаддий мухлисиман. Умид қиламанки, у Ла Лиганинг энг яхши тўпурари бўлади. Мен унга бу борада ёрдам бермоқчиман. Жуд ва мен бир-биримизни яхши тушунамиз”, дейди Винисиус
Испания чемпионати тугашига икки тур қолганида Беллингем “Вильярреал”дан Александр Серлот билан бирга Ла Лига тўпурарлари рўйхатида 2-ўринни эгаллаб турибди. Тўпурарлар пойгаси пешқадами “Жирона” ҳужумчиси Артём Довбик бўлиб турибди. Унинг ҳисобида 20 та гол мавжуд.
Live
Барчаси
