Meksika Putinni yangi Prezidentning inauguratsiyasiga taklif qildi
Olam
−
07 avgust 5821
Meksika Rossiya Prezidenti Vladimir Putinni 2024 yil 1 oktyabr kuni bo‘lib o‘tadigan yangi prezident Klaudiya Sheynbaumning inauguratsiya marosimiga taklif qildi. Bu haqda Lotin Amerikasi davlatining Rossiya Federatsiyasidagi elchixonasiga tayanib, “Izvestiya” xabar berdi.
“Rossiyaning Prezident Sheynbaum inauguratsiyasida ishtirok etish taklifi Prezident Vladimir Putinga yuborildi. Rossiya Federatsiyasi Prezidenti marosimda o‘zi ishtirok etishi yoki uning nomidan buni amalga oshiradigan boshqa yuqori martabali amaldorni tayinlashi to‘g‘risida qaror qabul qiladi”, deyiladi xabarda.
Rossiyaning Meksikadagi diplomatik vakolatxonasi Rossiya tomoni inauguratsiya marosimiga taklifnoma olganini tasdiqladi.
“Bir necha hafta oldin Meksika Tashqi ishlar vazirligidan rasmiy nota olindi, unda Rossiya tomoni Meksikaning saylangan Prezidenti Klaudiya Sheynbaumning inauguratsiya marosimiga taklif etilgani haqida xabar berilgan edi. Rossiya delegatsiyasining ishtiroki bilan bog‘liq masala ko‘rib chiqilmoqda”, deydi diplomatik missiya matbuot attashesi Andrey Zemskiy.
Saylangan prezidentning inauguratsiyasi saylov kunidan to‘rt oy o‘tgach, 1 oktyabr kuni federal ijro hokimiyati topshirilgan kundan keyin bo‘lib o‘tadi. Meksikaning yangi Kongressi sentyabr oyida ishga kirishadi.
2 iyun kuni bo‘lib o‘tgan prezidentlik saylovlarida iqtidordagi “Morena” partiyasidan nomzod Klaudiya Sheynbaum g‘alaba qozondi.
Amaldagi davlat rahbari Andres Manuel Lopes Obradorning ta’kidlashicha, u nafaqat respublika mavjud bo‘lgan 200 yil ichida birinchi ayol Prezident, balki mamlakat tarixida eng ko‘p ovoz to‘plagan Prezident bo‘ldi.
Live
Barchasi
