Mbappening “sovchilari” orasiga Saudiya tomoni ham qo‘shildi
Sport
−
22 iyul 2023 6004
Saudiya futboli rahbariyati fransiyalik PSJ hujumchisi Kilian Mbappeni mahalliy liga klublaridan biriga taklif qilmoqchi. Bu haqda sport jurnalisti Ben Jeykobs o‘z Twitter sahifasida xabar berdi.
Manbaga ko‘ra, Saudiya Arabistoni Mbappening transferi bo‘yicha taklif tayyorlab qo‘ygan. Rahbariyat bu transferni amalga oshirishga tayyor.
Mbappening o‘zi faoliyatini Yevropada davom ettirishni rejalashtirmoqda, bu esa uning Saudiya Arabistoniga ko‘chib o‘tishini qiyinlashtiradi. PSJ esa hujumchini arab davlatiga sotishga qarshi emas.
Qayd etish joiz, Mbappe PSJning Yaponiyadagi mavsumoldi yig‘inida ishtirok etmaydi. Hozirda hujumchi Parij klubi tomonidan transferga qo‘yilgan.
Eslatib o‘tamiz, avvalroq Fransiya Prezidenti Emmanuel Makron Mbappega bosim o‘tkazayotgani xabar qilingandi. Prezident futbolchini PSJda qolishini istamoqda.
Live
Barchasi
