MB raisi o‘rinbosari Hukumat yog‘ narxini tushirish uchun nima qilayotganini aytdi

Jamiyat

image
0:00
0:00
download
“Yog‘ni kamroq sol”. O‘zbekistonda eng arzon va eng qimmat yog‘ qayerda sotilyapti? north_east

“Yog‘ni kamroq sol”. O‘zbekistonda eng arzon va eng qimmat yog‘ qayerda sotilyapti?

Bugungi kunda O‘zbekistonda ro‘zg‘or uchun eng muhim mahsulot – yog‘ning narxi keskin oshishi aholining jiddiy norozilik va e’tirozlariga sabab bo‘lmoqda.

O‘zbekiston Markaziy banki raisi o‘rinbosari Behzod Hamroyev Oliy Majlis Senatining o‘n to‘rtinchi yalpi majlisida asosiy oziq-ovqat mahsulotlari narxi ko‘tarilishiga qarshi qilinayotgan ishlar haqida ma’lumot berdi.

“Ba’zi oziq-ovqat mahsulotlari narxi birinchi chorakda o‘tgan yilning mos davriga nisbatan 13,9 foizga oshishi kuzatildi. Mart oyida narx oshishining oldini olish bo‘yicha Vazirlar Mahkamasining “Ichki iste’mol bozorini asosiy turdagi oziq-ovqat mahsulotlari bilan kafolatli ta’minlash va ularning narxlari barqarorligini ta’minlash bo‘yicha qo‘shimcha chora-tadbirlar to‘g‘risida”gi qarori qabul qilindi. Mazkur qaror bilan respublika ishchi guruhi va asosiy oziq-ovqat mahsulotlari, xususan, go‘sht, kartoshka, guruh va o‘simlik yog‘ini qancha ishlab chiqarish kerak, qancha zaxiralash kerak va qancha import qilish kerakligi belgilab berildi”, dedi Behzod Hamroyev.

Hukumat qaroriga ko‘ra, 2021 yilda 78 000 tonna o‘simlik yog‘i, 64 000 tonna shakar, 300 000 tonna kartoshka, 40 000 tonna go‘sht import asosida keltirilishi nazarda tutilgan.

Monopoliyaga qarshi kurashish qo‘mitasi ichki bozorlarda yog‘-moy mahsulotlarining narxi keskin o‘sishini birinchi navbatda tashqi bozorlarda narxlar oshishi va o‘tgan hosil yilida yetishtirish hajmlari nisbatan kamroq bo‘lishi munosabati bilan asosiy yetkazib beruvchilardan bo‘lgan qo‘shni davlatlarda kungaboqar yog‘i va urug‘i eksportiga yuqori bojxona bojlari belgilanishi tartibi muddati uzaytirilishi bilan izohladi.


Maqola muallifi

Teglar

narx yog'

Baholaganlar

418

Reyting

3

Maqolaga baho bering

Doʻstlaringiz bilan ulashing