Maymun chechagi AQSH armiyasiga ham kirib bordi

Germaniyadagi bazada xizmat qilayotgan amerikalik askar maymun chechagi virusini yuqtirib oldi, bu Amerika Qo‘shma Shtatlari Qurolli kuchlarida aniqlangan birinchi kasallanish holatidir. Bu haqda “Interfaks” xabar berdi.

“Shtutgartda xizmat qilayotgan askarda maymun chechagi kasalligi aniqlandi. U harbiy klinikada, izolyatorda”, deya xabar beradi telekanal.

AQSH Kasalliklarni nazorat qilish va oldini olish markaziga ko‘ra, maymun chechagi virusi shu hafta AQSHning 15 shtati va Vashingtonda aniqlangan. Bir necha hafta oldin Qo‘shma Shtatlarda virus aniqlanganidan beri umumiy infeksiyalar soni hali 50 dan oshmadi.

Kasallik qayd etilgan mamlakatlar asosan Yevropa va Shimoliy Amerikada joylashgan. Aksariyat hollar:

•    Buyuk Britaniya – 207 (bir hafta oldin - 106),

•    Ispaniya – 156 (20),

•    Portugaliya – 138 (49),

•    Kanada – 58 (26),

•    Germaniya – 57 (5).

Ma’lumot o‘rnida, maymun chechagi kam uchraydigan virusli kasallik bo‘lib, asosan yovvoyi hayvonlardan odamlarga yuqadi. Kasallikning belgilari isitma, bosh og‘rig‘i, mushak og‘rig‘i, bel og‘rig‘i, limfa tugunlari shishishi, titroq va charchoqni o‘z ichiga oladi. Shuningdek, yuz va tananing boshqa qismlarida teri toshmasi ham paydo bo‘lishi mumkin. JSST ma’lumotlariga ko‘ra, maymun chechagi epidemiyasi uchun o‘lim darajasi odatda 1 foizdan 10 foizgacha, o‘limning aksariyati yosh guruhlarda sodir bo‘ladi.