Marg‘ilonda Damas haydovchi bilan birga yonib ketdi

Kecha, 14 dekabr kuni Farg‘ona viloyatining Marg‘ilon shahrida Damas va Cobalt to‘qnashdi. Oqibatda bir kishi ayanchli halok bo‘ldi. Bu haqda IIV YHXBB xabar berdi.

YTH soat 20:00 larda,Marg‘ilon shahar, Ahmad Yassaviy ko‘chasida joylashgan "Yog‘du" qahvaxonasi ro‘parasida yuz bergan. Haydovchi, 1991 yilda tug‘ilgan R.X. boshqaruvidagi Damas rusumli avtomobilda chapga burilish vaqtida ro‘paradan kelayotgan haydovchi, 2000 yilda tug‘ilgan A.A. boshqaruvida bo‘lgan Cobalt rusumli avtomobilni o‘tkazib yubormagani oqibatida to‘qnashuv sodir bo‘lgan. Zarb oqibatida Damas avtomobilida yong‘in yuzaga kelgan. Yong‘in o‘t o‘chiruvchilar tomonidan bartaraf etilgan.

Hodisa natijasida, Damas rusumli avtomobil haydovchisi 30 yoshli R.X. tan jarohatlari bilan voqea joyida vafot etgan.

Mazkur YTH yuzasidan Marg‘ilon shahar IIB tergov bo‘limi tomonidan dastlabki tergovoldi surishtiruv harakatlari olib borilmoqda.