Марғилонда Damas ҳайдовчи билан бирга ёниб кетди
3-саҳифа
−
15 Декабрь 2021 9388
Кеча, 14 декабрь куни Фарғона вилоятининг Марғилон шаҳрида Damas ва Cobalt тўқнашди. Оқибатда бир киши аянчли ҳалок бўлди. Бу ҳақда ИИВ ЙҲХББ хабар берди.
ЙТҲ соат 20:00 ларда,Марғилон шаҳар, Аҳмад Яссавий кўчасида жойлашган "Ёғду" қаҳвахонаси рўпарасида юз берган. Ҳайдовчи, 1991 йилда туғилган Р.Х. бошқарувидаги Damas русумли автомобилда чапга бурилиш вақтида рўпарадан келаётган ҳайдовчи, 2000 йилда туғилган А.А. бошқарувида бўлган Cobalt русумли автомобилни ўтказиб юбормагани оқибатида тўқнашув содир бўлган. Зарб оқибатида Damas автомобилида ёнғин юзага келган. Ёнғин ўт ўчирувчилар томонидан бартараф этилган.
Ҳодиса натижасида, Damas русумли автомобиль ҳайдовчиси 30 ёшли Р.Х. тан жароҳатлари билан воқеа жойида вафот этган.
Мазкур ЙТҲ юзасидан Марғилон шаҳар ИИБ тергов бўлими томонидан дастлабки терговолди суриштирув ҳаракатлари олиб борилмоқда.
Live
Барчаси
