Mane Ronalduning jamoadoshiga aylandi (video)
Sport
−
02 avgust 2023 3382
“Bavariya”ning senegallik hujumchisi Sadio Mane Saudiya Arabistonining “Al-Nasr” klubiga ko‘chib o‘tdi. Bu haqda klub matbuot xizmati xabar berdi.
Manbaga ko‘ra, futbolchining transfer narxi 40 million yevroni tashkil qilgan. Manening klub bilan shartnomasi 2027 yilga qadar mo‘ljallangan. Klub hujumchiga mavsumiga 40 million yevro maosh to‘laydi. Mane yangi jamoasida 10-raqam ostida to‘p tepadi.
Futbolchi o‘tgan mavsum “Bavariya” safida 38 ta o‘yinda maydonga tushib, 12 ta gol urdi va 6 ta golli uzatmani amalga oshirdi. “Transfermarkt”da Manening transfer qiymati 25 million yevroni tashkil etadi.
Ma’lumot uchun, Mane faoliyati davomida “Bavariya”dan tashqari, “Mets”, “Sautgempton”, “Zalsburg” va “Liverpul” klublarida to‘p tepgan. Futbolchi “Liverpul” bilan Angliya chempionati va Yevropa Chempionlar ligasida g‘olib chiqqan.
Live
Barchasi
