“Manchester Siti” Marmush transferini e’lon qildi
Sport
−
23 yanvar 1254
Angliyaning “Manchester Siti” klubi misrlik hujumchi Omar Marmushni o‘z futbolchisi sifatida tanishtirdi. Bu haqda klub matbuot xizmati xabar berdi.
Manbaga ko‘ra, Marmush “shaharliklar” bilan 2029 yilgacha mo‘ljallangan shartnoma imzoladi. “Manchester Siti” futbolchi uchun “Ayntraxt”ga 75 million yevro to‘ladi. Omar klub safida 7-raqam ostida to‘p tepadigan bo‘ldi.
Ma’lumot o‘rnida, “Manchester Siti” bu mavsum qishki transferlar oynasida Omar Marmushdan tashqari, markaziy himoyachilar Vitor Reys va Abduqodir Husanov transferini ham e’lon qildi.
Eslatib o‘tamiz, avvalroq, jamoa murabbiyi Pep Gvardiola o‘zbekistonlik futbolchi Abduqodir Husanov jismoniy ko‘rsatkichlari haqida fikr bildirgan edi.
Live
Barchasi
