“Man Siti” “Real” hujumchisiga ko‘z tikmoqda
Sport
−
31 may 3128
Madridning “Real” klubi hujumchisi Rodrigoga “Manchester Siti” qiziqmoqda. Bu haqda “Marca” xabar berdi.
Manbaga ko‘ra, Kilian Mbappening yaqinlashib kelayotgan transferi munosabati bilan ba’zi klublar “Real” futbolchilari bilan bog‘liq vaziyatni kuzatishni boshlagan. Yevropa klublari Mbappe “Real”ga o‘tsa, “qirollik klubi”ning ayrim futbolchilari kamroq o‘yin amaliyotiga ega bo‘lishiga ishonmoqda.
“Manchester Siti” skautlari “Real” Dortmundning “Borussiya”si bilan o‘ynaydigan Yevropa Chempionlar ligasi final uchrashuviga yo‘l oldi.
Joriy mavsumda Rodrigo “Real” safida barcha turnirlarda 50 ta o‘yin o‘tkazib, 17 ta gol urdi va 9 ta golga assistentlik qildi. Transfer narxi 100 million yevroni tashkil etuvchi futbolchining "qaymoqranglilar" bilan shartnomasi 2028 yilgacha mo‘ljallangan.
Live
Barchasi
