Malida to‘ydagi otishmada 10 kishi halok bo‘ldi
Olam
−
24 iyul 2023 3677
Mali markazidagi Tominyan shahrida sodir etilgan terakt oqibatida 10 kishi halok bo‘ldi. Bu haqda mahalliy ommaviy axborot vositalari xabar berdi.
Qayd etilishicha, Jankoin qishlog‘idagi to‘y marosimi paytida noma’lum qurollangan shaxslar o‘t ochgan.
Hodisa oqibatida 10 kishi halok bo‘lgan, yana uch kishi yaralangan.
Oxirgi yillarda Burkina-Faso, Mali va Niger davlatlaridagi “Al-Qoida” va ISHIDga aloqador guruhlar tomonidan hujumlar uyushtirilmoqda.
2013 yildan beri Malida xorijiy harbiy missiyalar joylashtirilganiga qaramay, terror hujumlari kamaygani yo‘q.
Eslatib o‘tamiz, avvalroq Somalida yuz bergan portlashda 25 bola halok bo‘lgandi.
Live
Barchasi
