Makron xotinidan tarsaki yegani aks etgan videoga izoh berdi (video)

Fransiya Prezidenti Emmanuel Makron Janubi-Sharqiy Osiyo bo‘ylab safarining birinchi bekati Vetnamda samolyotdan chiqib ketayotganda rafiqasi Brijit uning yuzini itarib yuborgani aks etgan videoga izoh berdi. Kecha, 26 may kuni Xanoyda jurnalistlar bilan suhbatda Makron ijtimoiy tarmoqlarda keng tarqalgan video haqida gapirdi.

“Xotinim bilan hazillashayotganim va masxara qilayotganimning videosi bor va u qandaydir geosayyoraviy falokatga aylandi va odamlar buni tushuntirish uchun hatto nazariyalarni ham o‘ylab topishmoqda”, dedi Prezident.

Makron bu kadrlar haqiqiy ekanligini tan oldi, lekin undan qurol sifatida foydalanilganini tanqid qildi.

“Barcha videolar haqiqiy va ha, ba’zida odamlar ularni soxtalashtirishadi, lekin odamlar ularga har xil bo‘lmag‘ur narsalarni qo‘shadi”, dedi u.

Uning qo‘shimcha qilishicha, ijtimoiy tarmoq foydalanuvchilari ilgari ham u aks etgan boshqa videolarni noto‘g‘ri talqin qilgan.

Misol uchun, suratlardan birida Makron Turkiya Prezidenti bilan qo‘l berib ko‘rishgan, Rajab Toyib Erdo‘g‘an esa Fransiya Prezidentining barmog‘ini uzoq ushlab turgan.

“Bu to‘satdan Fransiya haqida ko‘p gapiradigan geosiyosiy kuchlar muvozanatining ifodasiga aylandi”, deya hazil qildi Emmanuel Makron.