Макрон хотинидан тарсаки егани акс этган видеога изоҳ берди (видео)

Франция Президенти Эммануэль Макрон Жануби-Шарқий Осиё бўйлаб сафарининг биринчи бекати Вьетнамда самолётдан чиқиб кетаётганда рафиқаси Брижит унинг юзини итариб юборгани акс этган видеога изоҳ берди. Кеча, 26 май куни Ханойда журналистлар билан суҳбатда Макрон ижтимоий тармоқларда кенг тарқалган видео ҳақида гапирди.

“Хотиним билан ҳазиллашаётганим ва масхара қилаётганимнинг видеоси бор ва у қандайдир геосайёравий фалокатга айланди ва одамлар буни тушунтириш учун ҳатто назарияларни ҳам ўйлаб топишмоқда”, деди Президент.

Макрон бу кадрлар ҳақиқий эканлигини тан олди, лекин ундан қурол сифатида фойдаланилганини танқид қилди.

“Барча видеолар ҳақиқий ва ҳа, баъзида одамлар уларни сохталаштиришади, лекин одамлар уларга ҳар хил бўлмағур нарсаларни қўшади”, деди у.

Унинг қўшимча қилишича, ижтимоий тармоқ фойдаланувчилари илгари ҳам у акс этган бошқа видеоларни нотўғри талқин қилган.

Мисол учун, суратлардан бирида Макрон Туркия Президенти билан қўл бериб кўришган, Ражаб Тойиб Эрдўған эса Франция Президентининг бармоғини узоқ ушлаб турган.

“Бу тўсатдан Франция ҳақида кўп гапирадиган геосиёсий кучлар мувозанатининг ифодасига айланди”, дея ҳазил қилди Эммануэль Макрон.