Maxachev yarim raundda Xukerni taslim qildi
Sport
−
31 Oktabr 2021 5022
Ayni daqiqalarda BAA poytaxti Abu-Dabidagi “Janglar oroli”da UFC 267 musobaqasi bo‘lib o‘tmoqda.
Asosiy kardning to‘rtinchi jangida yengil vazn toifasining 5-raqamli jangchisi rossiyalik Islam Maxachev (21-1) Yangi Zelandiya vakili Den Xukerga (21-11) qarshi oktagonga ko‘tarildi va 2 daqiqa 25 soniyada “sabmishn” (ushlash holati) evaziga g‘alaba qozondi. Unga ushbu jangda Habib Nurmuhamedov sekundantlik qildi.
Maxachev avvalgi bellashuvini joriy yilning iyul oyida o‘tkazgan va o‘shanda braziliyalik Tiago Moyzesni mag‘lub etgandi.
Asosiy kardning qolgan janglari quyidagicha ko‘rinish olgan:
Yan Blaxovich – Glover Teysheyra
Pyotr Yan – Kori Sendxagen
Eslatib o‘tamiz, asosiy kardning ikkinchi jangida Hamzat Chimayev xitoylik Li Jinliangni, rossiyalik Zubayra Tuxugov esa erta prelimning markaziy jangida braziliyalik Rikardo Ramosni mag‘lubiyatga uchratgan edi.
Live
Barchasi07 noyabr 2023
07 noyabr 2023
07 noyabr 2023
