Maduro Putin bilan ko‘rishishga umid qilmoqda

Olam

image

Venesuela Prezidenti Nikolas Maduro 2021 yil bahor yoki yoz oylarida Moskvaga tashrif buyurib, Rossiya Prezidenti Vladimir Putin bilan uchrashishga umid bildirdi. Bu haqda "RIA Novosti" xabar bermoqda. 

"Umid qilamanki, aprel, may yoki iyun oyida Moskvaga tashrif buyurib, do‘stimiz Vladimir Putin bilan ko‘rishamiz", degan Maduro. 

Shuningdek, u Venesuelaning yangi Milliy assambleyasi a’zolari yaqinda Moskvaga tashrif buyurishiga ishonch bildirgan.

Ma’lumot uchun, 6 dekabr kuni Venesuelada parlament saylovlari bo‘lib o‘tdi. Natijalarga ko‘ra, Nikolas Maduro parlament boshqaruvini qaytarib oldi. So‘nggi hisob-kitobga ko‘ra, Venesuelaning Prezident qarashlarini qo‘llab-quvvatlovchi Birlashgan sotsialistik partiyasi rahbarligidagi koalitsiya 67,7 foiz ovoz to‘plagan. Muxolifat saylov natijalarini tan olmayapti.


Maqola muallifi

Teglar

PUTIN MADURO

Baholaganlar

108

Reyting

3

Maqolaga baho bering

Doʻstlaringiz bilan ulashing