Мадуро Путин билан кўришишга умид қилмоқда
Олам
−
08 Декабрь 2020 4786
Венесуэла Президенти Николас Мадуро 2021 йил баҳор ёки ёз ойларида Москвага ташриф буюриб, Россия Президенти Владимир Путин билан учрашишга умид билдирди. Бу ҳақда "РИА Новости" хабар бермоқда.
"Умид қиламанки, апрель, май ёки июнь ойида Москвага ташриф буюриб, дўстимиз Владимир Путин билан кўришамиз", деган Мадуро.
Шунингдек, у Венесуэланинг янги Миллий ассамблеяси аъзолари яқинда Москвага ташриф буюришига ишонч билдирган.
Маълумот учун, 6 декабрь куни Венесуэлада парламент сайловлари бўлиб ўтди. Натижаларга кўра, Николас Мадуро парламент бошқарувини қайтариб олди. Сўнгги ҳисоб-китобга кўра, Венесуэланинг Президент қарашларини қўллаб-қувватловчи Бирлашган социалистик партияси раҳбарлигидаги коалиция 67,7 фоиз овоз тўплаган. Мухолифат сайлов натижаларини тан олмаяпти.
Live
Барчаси
