“Liverpul“ yetakchilaridan biriga Saudiya kulubi qiziqish bildirmoqda

Saudiya Arabistoning “Al-Ittihod“ klubi “Liverpul“ futbolchisi Fabinoga qiziqish bildirmoqda. Bu haqda “The Athletic“ xabar berdi.

Ma’lum qilinishicha, Saudiya kulubi 29 yoshli braziliyalik futbolchi transferi uchun “Liverpul”ga 40 million funt (deyarli 47 mln yevro) taklif qilmoqchi. Manbaga ko‘ra, Angliya klubi bunga deyarli rozi, biroq kelishuv taqdirini yarim himoyachining so‘nggi qarori hal qiladi.

“Liverpul“ Fabino ketgan taqdirda yarim himoyani kuchaytirish ustida ish olib bormoqda. Klub ko‘z ostiga olib qo‘ygan futbolchi esa “Sautgempton“ yarim himoyachisi Romeo Lavia hisoblanadi. Angliya klubi bilan shartnomasi 2026 yilning 30 iyunida yakunlanadigan braziliyalik futbolchining transferi amalga oshsa, u Karim Benzema va Ngolo Kantega jamoadosh bo‘ladi. 

Ma’lumot uchun, Fabinoning “Transfermarkt“ portalida ko‘rsatilgan taxminiy narxi 42 million yevroni tashkil qiladi. Yarim himoyachi 2022/2023 yilgi mavsumda APLda 36 o‘yinda maydonga tushib, 2 ta golli uzatmaga mualliflik qilgan.