Laziz To‘ychiyev Prezident maslahatchisiga birinchi o‘rinbosar etib tayinlandi
Jamiyat
−
04 noyabr 2020 8813
O‘zbekiston Respublikasi Prezidentining yoshlar, fan, ta’lim, sog‘liqni saqlash, madaniyat va sport masalalari bo‘yicha maslahatchisining birinchi o‘rinbosari lavozimiga Laziz Nodirovich To‘ychiyev tayinlandi. Bu haqda SSV Matbuot xizmati xabar berdi.
Laziz To‘ychiyev 2016 yildan buyon Toshkent tibbiyot akademiyasi rektori vazifasida ishlab kelayotgan edi.
Tibbiyot fanlari doktori, professor Laziz To‘ychiyev bundan avval Epidemiologiya, mikrobiologiya va yuqumli kasalliklar ilmiy-tekshirish instituti direktori va O‘zbekiston Respublikasi sog‘liqni saqlash vaziri o‘rinbosari kabi mas’ul lavozimlarda mehnat qilgan.
2020 yilda “Fidokorona xizmatlari uchun” ordeni bilan mukofotlangan.
Avvalroq, sobiq Sog‘liqni saqlash vaziri Alisher Shodmonov Toshkent tibbiyot akademiyasining rektori etib tayinlangani haqida xabar bergan edik.
Live
Barchasi
