Lavrov “yangi urush”ga tayyorgarlik ko‘rayotgan 3 davlat nomini aytdi

Hozirda Yevroatlantika hamjamiyatining barcha sa’y-harakatlari yangi urushga tayyorgarlik ko‘rishga qaratilgan va Germaniya, Fransiya va Buyuk Britaniya bu jarayonning boshida turibdi. Bu haqda Rossiya Tashqi ishlar vaziri Sergey Lavrov Antaliya Diplomatik forumida so‘zlagan nutqida aytdi.

“Yevro-Atlantika hamjamiyatining barcha sa’y-harakatlari yangi urushga tayyorgarlik ko‘rishga qaratilgan. Germaniya esa Fransiya va Buyuk Britaniya bilan birgalikda buning boshida turibdi”, dedi vazir.

Tashqi ishlar vazirligi rahbarining so‘zlariga ko‘ra, xavfsizlikni ta’minlash maqsadida tuzilgan Yevroatlantika tuzilmalari barbod bo‘ldi va uni mustahkamlay olmadi, barqarorlikni ham ta’minlay olmadi. Lavrov bunday tuzilmaga misol sifatida Yevropada Xavfsizlik va Hamkorlik Tashkilotini ko‘rsatdi.

north_east

Lavrov urushni front chizig‘ida muzlatishni rad etdi

Vazirga aytishicha, bu tuzilmalar mamlakatdagi iqtisodiy vaziyat yomonlashib borayotganiga qaramay, keskinlikni qo‘zg‘atishga va Yevropani, jumladan Germaniyani qayta harbiylashtirishga muvaffaq bo‘ldi.

Lavrovning so‘zlariga ko‘ra, Yevropa Ittifoqi hozirda “shubhasiz, NATOning sharqqa, janubga borish rejalari uchun o‘z hududini taqdim etuvchi” Yevroatlantika siyosatining bir qismidir.

Rossiya bir necha oydan beri AQSH bilan muzokaralar olib bormoqda, uning asosiy mavzularidan biri Ukrainadagi mojaroni hal qilishdir. Lavrov avvalroq AQSH Oq uyning yangi ma’muriyati davrida tinchlikka, Yevropa esa urushga intilmoqda, degan fikrni bildirgan edi.

Shu doirada Lavrov Fransiya va Buyuk Britaniyaning Ukrainaga tinchlikparvar kuchlarini yuborish haqidagi g‘oyalarini tilga oldi.

“Bu ham beadablik. Bugun Yevropa yana Rossiyaga qarshi chiqdi, barcha global fojialar yevropaliklarning tajovuzkor harakatlari bilan boshlangan”, deydi u.

NATO Rossiya bilan urush xavfi haqida bir necha bor gapirgan. Misol uchun, joriy yilning yanvar oyi o‘rtalarida NATO Bosh kotibi Mark Ryutte alyans “urush davridagi fikrlashga o‘tishi” va uning oldini olish uchun urushga tayyorgarlik ko‘rishi kerakligini aytdi. Mart oyida Yevropaning mudofaa bo‘yicha komissari Andryus Kubilyus Yevropani Rossiya va NATO o‘rtasidagi qarama-qarshilikka tayyor turish uchun “eng yomoniga tayyorlanishga” chaqirgan edi. Kubilyusning ta’kidlashicha, Moskva besh yil yoki undan kamroq vaqt ichida blok bilan to‘qnash kelishga qodir.

Kreml Rossiya blokdan farqli o‘laroq, hech qachon harbiy infratuzilmasini NATO tomon ko‘chirmagan, shuning uchun Moskva alyansga hujum qilmoqchi, deyish mantiqqa to‘g‘ri kelmasligini ta’kidladi.

Eslatib o‘tamiz, joriy yilning 18 fevral kuni Rossiya Tashqi ishlar vaziri Sergey Lavrov Saudiya Arabistonida bo‘lib o‘tgan Rossiya-Amerika muzokaralaridan so‘ng o‘tkazilgan matbuot anjumanida NATOga a’zo davlatlarning harbiy kontingentlarini Ukrainaga joylashtirish Moskva uchun qabul qilib bo‘lmas holatligini aytgandi.