Latviya Rossiya bilan diplomatik munosabatlar darajasini pasaytiradi
Olam
−
23 yanvar 2023
4311Latviya 24 fevraldan boshlab Rossiya bilan diplomatik munosabatlar darajasini pasaytiradi. Bu haqda Latviya Tashqi ishlar vaziri Edgars Rinkevichs o‘zining Twitter'dagi sahifasida ma’lum qildi.
“Latviya 24 fevraldan boshlab Rossiya bilan diplomatik munosabatlar darajasini pasaytiradi va Rossiyadan shunga muvofiq harakat qilishni talab qiladi”, deyiladi bayonotda.
Bunday choralarning sababi Ukrainadagi vaziyat ekani aytildi. Shuningdek, Latviya TIV Estoniya bilan birdamlik belgisi sifatida shunday qaror qabul qilgani qayd etilgan.
Ma’lumot uchun, avvalroq Rossiya Estoniya bilan diplomatik munosabatlar darajasini pasaytirishga qaror qilgandi.
Rossiya Tashqi ishlar vazirligi esa respublika rasmiylarini Rossiya bilan munosabatlarni “maqsadli ravishda buzish”, shuningdek, “butun rusofobiya”da ayblagan.
LiveBarchasi
07 noyabr 2023
07 noyabr 2023
07 noyabr 2023