La Liganing mart oyidagi eng yaxshi futbolchisi e’lon qilindi

“Atletiko” klubining fransiyalik hujumchisi Antuan Grizmann La Liganing mart oyidagi eng yaxshi futbolchisi deb topildi. Bu haqda liga o‘z rasmiy saytida xabar berdi.

Mart oyida fransiyalik futbolchi 3 ta uchrashuvda qatnashib, 2 ta gol urdi va 1 ta golli uzatmani amalga oshirdi. Sovrin uchun kurashda fransiyalik futbolchi Enes Unal (“Xetafe”), Rafina Dias (“Barselona”), Yago Aspas (“Selta”), Samuel Chukvueze (“Vilyarreal”), Borxa Iglesias (“Betis”) va David Silva (“Real Sosedad”)ni ortda qoldirdi.

32 yoshli Grizmann joriy mavsumda “Atletiko” safida barcha turnirlarda 36 ta o‘yinda maydonga tushib, 10 ta gol urdi va 11 ta golli uzatmani amalga oshirdi.

Ma’lumot uchun, Grizmann 2014-2019 yillarda “Atletiko” to‘p surgan. 2019-2022 yillarda u “Barselona” sharafini himoya qildi, ammo Kataloniya klubidagi muvaffaqiyatsiz mavsumlardan so‘ng u “Atletiko”ga qaytdi. Hozirda futbolchi Madrid klubida ijara asosida to‘p tepmoqda.