La Ligada 8-tur uchrashuvlari yakunlandi

Kecha, 5 oktyabr kuni Ispaniya La Ligasida 8-tur uchrashuvlari yakuniga yetdi. Yakunlangan turda peshqadam o‘zgardi. Tur oldidan peshqadamlik qilib kelayotgan “Barselona” jamoasi “Sevilya” maydonida uchralgan mag‘lubiyatdan so‘ng, Madridning “Real” jamoasi jadval peshqadamligini qaytib oldi. Turda “Atletiko Madrid” jamoasi esa derbidagi g‘alabadan so‘ng “Selta” maydonida durrang natija qayt etdi.

“Osasuna” 2–1 “Xetafe” 

“Osasuna” o‘z maydonida “Xetafe”ni mag‘lub etib, muhim 3 ochko qo‘lga kiritdi. Jamoa birinchi bo‘limda barqaror o‘ynadi va ikkinchi bo‘limda kiritilgan gol hisobiga g‘alabani ta’minladi. “Xetafe” bir necha imkoniyat yaratdi, ammo ulardan foydalana olmadi.

“Levante” 2–0 “Real Ovedo” 

“Levante” mehmonda “Real Ovedo”ni mag‘lub etdi. Mehmon jamoa himoyada ishonchli harakat qildi va qarshi hujumlarda samarali bo‘ldi. “Real Ovedo” esa zaif o‘yin ko‘rsatib, gol imkoniyatlarini unumli foydalana olmadi.

“Jirona” 2–1 “Valensiya” 

“Jirona” o‘z maydonida muhim g‘alaba qozonib, “Valensiya”ga qarshi kurashda ustunlikka ega bo‘ldi. Katalonyaliklar yaratgan imkoniyatlar golga aylandi. “Valensiya” hisobni tenglashtirishga harakat qildi, ammo zaifliklari sezildi.

“Atletik Bilbao” 2–1 “Mayorka”

 “Atletik Bilbao” o‘z maydonida 2–1 hisobida g‘alaba qozondi. Avval Bilbaoliklar o‘yin hisobini ochdi, keyin “Mayorka” javob qaytardi. Biroq, mezbonlar ikkinchi gol bilan ustunlikni qayta qo‘lga kiritishdi. “Mayorka” bir necha imkoniyat yaratsa-da, standart vaziyatlarda va aniqlikda muammolarga duch keldi.

“Real Madrid” 3–1 “Vilyarreal” 

“Real Madrid” derbidagi mag‘lubiyatdan so‘ng o‘ziga kelib oldi va jadval yetakchiligini qaytarib oldi. Madridliklar turda  o‘z maydonida “Vilyarreal”ni mag‘lub etdi. Madrid jamoasi hujumda faollik ko‘rsatib, tezkor harakatlari bilan g‘alabaga erishdi. “Vilyarreal” bir necha vaziyat yaratgan bo‘lsa-da, ularni golga aylantira olmadi.

“Alaves” 3–1 “Elche” 

“Alaves” o‘z maydonida “Elche”ni 3–1 hisobida mag‘lub etdi. Mehmonlar bir gol urgan bo‘lsa-da, “Alaves” ikkinchi bo‘limda ustunlikni qo‘lga olib, g‘alabani mustahkamladi.

“Sevilya” 4–1 “Barselona”

 “Sevilya” kutilmaganda o‘z maydonida “Barselona” ustidan yirik hisobdagi g‘alabaga erishdi  4–1. “Barselona” himoyada qator xatolarga yo‘l qo‘ydi va raqib bosimiga dosh bera olmadi. “Sevilya” esa kuchli bosim bilan zarur qarshi hujumlar evaziga raqib gollar kiritdi. Bu Katalon jamoasining mavsumdagi dastlabki mag‘lubiyati hisoblanadi.

“Espanol” 1–2 “Real Betis” 

“Real Betis” mehmon sifatida “Espanol”ni mag‘lub etdi. Andalusiyaliklar hujumlarda samarali o‘ynadi va muhim uch ochkoni qo‘lga kiritdi. “Espanol” hisobni tenglashtirishga harakat qildi, ammo buning uchun bir gol yetarli bo‘lmadi.

“Real Sosedad” 0–1 “Rayo Valekano”

 “Rayo Valekano” mehmon sifatida kichik hisobda g‘alaba qozondi. “Real Sosedad” hujumda imkoniyat yaratishda qiynaldi. “Rayo” esa himoyada ishonchli harakat qilib, qarshi hujumlardan unumli foydalandi.

“Selta” 1–1 “Atletiko Madrid”

 “Selta” va “Atletiko Madrid” o‘rtasidagi bellashuv durang bilan yakunlandi. Har ikki jamoa ham golli imkoniyatlarni yaratib, bitadan gol almashib olishdi. O‘yin so‘ngida hisob tengligicha qoldi.

Ma’lumot uchun, Ispaniyada yakunlangan tur uchrashuvlaridan so‘ng, “Real Madrid” turnir jadvalida 21 ochko bilan peshqadamlik qilmoqda. Ikkinchi o‘rinda esa “Barselona” jamoasi 19 ochko to‘plagan holda bormoqda. Navbatdagi tur uchrashuvlari joriy yilning 18 oktyabr kuni start oladi.