Kvaratsxeliya YeCHLdagi mag‘lubiyatdan so‘ng muxlislarga murojaat qildi

“Napoli” yarim himoyachisi Xvicha Kvaratsxeliya Yevropa Chempionlar ligasi chorak finalida “Milan”ga qarshi javob o‘yinidan so‘ng neapolliklar jamoasi muxlislariga murojaat qildi.

“Ko‘zingiz yoshga to‘lganini ko‘rish men uchun qiyin. Chuqur afsusdaman. Har soniyada sizning qo‘llab-quvvatlashingizni his qilayotganimdan juda minnatdorman! Men barchangizni yaxshi ko‘raman va va’da beraman, biz kuchliroq bo‘lib qaytamiz! Oldinda ko‘plab o‘yinlar bor, shuning uchun orzularni ushalishi yo‘lida harakatda davom etamiz”, deb yozdi Kvaratsxeliya ijtimoiy tarmoqdagi sahifasida.

“Napoli” — “Milan” bahsining 82-daqiqasida gruziyalik futbolchi penaltidan unumli foydalana olmadi. 

“Milan” turnirning yarim finaliga chiqdi, Stefano Pioli shogirdlari ikki uchrashuv natijasiga ko‘ra “Napoli”dan kuchliroq bo‘lib chiqdi (2:1). “Milan” jamoasining yarim finaldagi raqibi “Benfika” — “Inter” uchrashuvi g‘olibi bo‘ladi.