Kutilmagan burilish: Ahmadaliyevning raqibi o‘zgardi

Sport 3176
image

Professional boksning super yengil vazn toifasida IBF va WBA  yo‘nalishi bo‘yicha Jahon chempioni Murodjon Ahmadaliyev (9-0) joriiy yilning 19 noyabr kuni amerikalik Ronni Riosga (33-3) qarshi o‘tkaziladigan jangi bekor qilindi. Bunga amerikalik jangchida koronavirus aniqlangani sabab bo‘lgan. 

Biroq Riosning o‘rnini boshqa bir jangchi egallaydigan bo‘ldi. Shu tariqa Ahmadaliyev chililik Xose Velaskesga qarshi ringga ko‘tariladigan bo‘ldi. Bellashuv AQSHning Manchester shahrida joylashgan SNHU arenasida o‘tkaziladi.

Velaskes prof boksdagi faoliyati davomida 37 ta jang o‘tkazib, ularning 29 tasida g‘alaba qozongan. Shuningdek, 6 ta jangda mag‘lub bo‘lgan va 2 ta bahsda durangga imzo chekkan.

Eslatib o‘tamiz, 27 yoshli Ahmadaliyev joriy yilning aprel oyida IBF chempionlik unvonini majburiy ravishda himoya qilib, sobiq jahon chempioni Ryosuke Ivasani beshinchi raundda texnik nokautga uchratgan edi. 

Ma’lumot uchun, kechaning markaziy jangi o‘rta vazn toifasida WBO chempionlik kamari sohibi Demetrius Andrade (30-0) va Jeyson Kuigli (19-1) o‘rtasida bo‘lib o‘tadi.

Humoyun Oripov
Maqolaga baho bering
Baholaganlar: 109
Reyting: 2.9
t
×