Kuchli yomg‘ir tufayli Istanbul chekkasi suv ostida qoldi (video)

Turkiyaning Istanbul shahrida kuchli yomg‘irdan keyin sodir bo‘lgan suv toshqini kamida bir kishining hayotiga zomin bo‘ldi. Bu haqda shahar hokimiyati ma’lum qildi.

“Bashakshehir tumanida suv toshqini ostida qolgan bir kishi halok bo‘ldi”, deya ma’muriyatdan iqtibos keltirgan “TRT Haber” telekanali.

Istanbulda kecha, 5 sentyabr oqshomida kuchli yomg‘ir yog‘gan. Istanbul hokimi Ekrem Imomo‘g‘lining so‘zlariga ko‘ra, ba’zi hududlarning kvadrat metriga 150 kg yog‘in tushgan. 

Yomg‘ir oqibatlarini bartaraf etishga 2,1 mingdan ortiq xodim jalb qilingan. Shimoliy hududlar – Arnavutkey va Bashakshehir eng ko‘p zarar ko‘rgan.

“TRT Haber” telekanaliga ko‘ra, Bashakshehir tumanidagi ba’zi ko‘chalarda suv sathining ko‘tarilishi tufayli to‘xtab turgan mashinalarni toshqin olib keta boshlangan. 

Kuchli yomg‘ir tufayli Istanbul metrosining bir bekati, Kayashehir xavfsizlik nuqtai nazaridan yopilgan. Istanbul aeroporti matbuot xizmati kuchli yomg‘ir tufayli bir necha reyslar kechiktirilishi, aeroportga boradigan yo‘llarda suv toshqinlari kuzatilayotgani haqida ogohlantirgan.