Koronavirusga chalingan Prezident va rafiqasi tuzaldi
Olam
−
30 mart 2021 3899
Suriya Prezidenti Bashar Asad va uning rafiqasi Asma yangi koronavirus infeksiyasidan tuzaldi. Bu haqda davlat rahbari devonining Twitter'dagi rasmiy sahifasida xabar berilgan.
Devon xabariga ko‘ra, Suriya rahbari va uning rafiqasida koronavirus infeksiyasi alomatlari o‘tib ketgan, ularning COVID-19 ga topshirgan testida manfiy natija qayd etilgan.
"Prezident Bashar Asad va Asma Asad xonim bugundan normal hayotga qaytmoqda", deyilgan xabarda.
Eslatib o‘tamiz, 8 mart kuni Suriya Prezidenti Bashar Asad va uning turmush o‘rtog‘i Asmaning COVID-19 ga topshirgan testi ijobiy natija ko‘rsatgandi.
