Koronavirusga chalingan Bashar Asadning ahvoli haqida ma’lumot berildi

Olam 3457
image
-

Koronavirusga chalingan Suriya Prezidenti Bashar Asad va uning rafiqasi Asma hozirda o‘zini yaxshi his qilmoqda. Bu haqda Suriya rahbarining matbuot xizmatiga asoslanib xabar berilgan. 

"Laboratoriya va rentgen tekshiruvlarining ko‘rsatkichlari asta-sekin normal holatga kelmoqda va davolanishni kuzatuvchi tibbiy guruhda hech qanday tashvish tug‘dirmayapti", deyilgan matbuot xizmati xabarida. 

Xabarda qo‘shimcha qilinishicha, er-xotin to‘qqiz kundan beri karantinda bo‘lgan va hozirda ular sog‘aymoqda. 

Asad va uning rafiqasi o‘z-o‘zini izolyatsiya qilishni tugatib, yana bir bor PZR-test topshiradi va odatiy hayot tartibiga qaytadi. 

Eslatib o‘tamiz, 8 mart kuni Suriya Prezidenti Bashar Asad va uning turmush o‘rtog‘i Asmaning COVID-19 ga topshirgan testi ijobiy natija ko‘rsatgandi.
 

Rushana Sultonova
Maqolaga baho bering
Baholaganlar: 82
Reyting: 2.9
Teglar
t
×