Koronavirus uy hayvonlarida ham aniqlandi
Olam
−
28 fevral 2020 8379
Gonkong mutaxassislari yangi koronavirus odamdan uy hayvoniga yuqishi mumkin bo‘lgan birinchi holatni o‘rganmoqda. Dastlabki sinovlarda COVID-19 tashxisi qo‘yilgan odamga tegishli bo‘lgan itning tanasida infeksiya belgilari aniqlandi. Bu haqda TASS ma’lum qilmoqda.
Xabarlarga ko‘ra, egasi kasalxonaga yotqizilganidan so‘ng, it hayvonlar uchun maxsus karantin markaziga joylashtirilgan. Tahlillar uning tanasida yangi turdagi koronavirus borligini ko‘rsatgan. Biroq itda kasallik alomatlari sezilmagan.
"Hozirda Departamentda hayvonlarning COVID-19 virusi yuqishi yoki uning odamlar uchun manbai bo‘lishi mumkinligi to‘g‘risida dalillar yo‘q", deyiladi agentlik bayonotida.
Ta’kidlanishicha, veterinariya shifokorlari itning holatini kuzatishni davom ettirmoqda va takroriy testlarni o‘tkazmoqda.
Hozirgi vaqtda Gonkongda yangi koronavirus yuqishining 93 holati tasdiqlandi.
Live
Barchasi07 noyabr 2023
07 noyabr 2023
07 noyabr 2023
