Koronavirus Nobel taqdimotiga ham ta’sir o‘tkazdi 

An’anaviy ravishda dekabr oyida o‘tkaziladigan Nobel mukofotini topshirish marosimi, 2020 yil koronavirus pandemiyasi tufayli har yilgidek Stokgolm filarmoniyasida emas, balki onlayn tarzda bo‘lib o‘tadi.

"Hammamiz umumiy translyatsiyaga ulanamiz, studiya Stokgolm meriyasida joylashadi. Har bir nomzod yoki o‘z mamlakatidagi Shvetsiya elchixonasidan yoki o‘z universitetidan onlayn tarzda ishtirok etadi", dedi Nobel jamg‘armasi raisi Lars Xeykensten. 

10 dekabrda Oslodagi shahar meriyasida o‘tkazilishi kerak bo‘lgan tinchlik bo‘yicha Nobel mukofotini topshirish marosimi esa, pandemiya tufayli, Oslo universitetida topshiriladi. Marosim 1947-1989 yillarda ushbu universitetda o‘tkazilgan. 30 yildan ortiq vaqt davomida esa shahar meriyasida mukofotlar egasiga topshirib kelinardi.

Ma’lumot uchun, Rossiya Federatsiyasi Prezidenti Vladimir Putin 2021 yil uchun tinchlik bo‘yicha Nobel mukofotiga nomzod bo‘lgan.