Koreyada 7 soatda 65 km masofani bosib o‘tgan o‘zbekistonlik hibsga olindi

20 fevral kuni Kyongnamdagi Changneong politsiya bo‘limi talonchilikda gumonlangan 30 yoshli O‘zbekiston fuqarosini qo‘lga oldi. Bu haqda mahalliy nashrlar xabar berdi.

Qayd etilishicha, gumondor 15 fevral kuni soat 21:00 atrofida Changneong-gun shahridagi uyga bostirib kirib, taxminan 70 yoshlardagi koreyalik ayolni qurol bilan qo‘rqitib, 3 million von pulini o‘margan.

U bu jinoyatni amalga oshirish uchun Daegu shahridan Changneonggacha bo‘lgan 60-70 km masofani 7 soat davomida velosipedda bosib o‘tgan.

Jinoyat sodir etganidan so‘ng, u Tegu shahriga velosipedda qaytishga harakat qilgan, biroq charchab qolgani sababli, tanishini chaqirgan.

Politsiya O‘zbekiston fuqarosini 20 fevral kuni Daegudagi Buk-gu shahridagi tanishining uyida hibsga olgani aytilmoqda. U sodir etgan jinoyatini moliyaviy qiyinchiliklar tufayli sodir etgani bilan oqlamoqchi bo‘lgan. 

Aniqlanishicha, ayblanuvchi mamlakatga 2018 yilda til o‘rganish vizasi bilan kelgan, biroq muddati tugaganidan keyin ham noqonuniy ravishda qolgan.

Politsiya voqea tafsilotlarini tekshirmoqda.