O‘zbekiston dunyoga it eksport qilyapti
Jamiyat
−
11 Oktabr 2023
15812Joriy yilning yozida Janubiy Koreya bojxona xizmati O‘zbekiston Respublikasi Bojxona qo‘mitasining Milliy kinologiya markazidan “Labrador” zotli xizmat itlarini xarid qilgan. Bu haqda O‘zbekiston Bojxona qo‘mitasi ma’lum qildi.
“Giyohvandlik vositalarini qidirish” yo‘nalishida tayyorlangan 3 bosh xizmat itlari Toshkent xalqaro aeroporti orqali Koreya Respublikasiga eksport qilingan.
“O‘tgan yili Bojxona qo‘mitasi raisi Akmalxo‘ja Mavlonov boshchiligidagi delegatsiya Koreyada bo‘lib, ushbu davlatning bojxona xizmati rahbarlari bilan kinologiya sohasidagi hamkorlikni yo‘lga qo‘ygan edi. Milliy kinologiya markazida tayyorlangan xizmat itlarini kelgusida boshqa xorijiy mamlakatlarga ham eksport qilish rejalashtirilmoqda”, deyiladi qo‘mitaning xabarida.
Unga ko‘ra, ushbu hamkorlik doirasida yetkazib berilgan xizmat itlarining narxi ochiqlanmagan.
LiveBarchasi