Kirkorov va Haydarov mashmashasi. “Slava” sirlarni oshkor qilmoqchi

“Slava” taxallusi bilan mashhur bo‘lgan rossiyalik qo‘shiqchi Anastasiya Slanevskaya hamkasbi Filipp Kirkorov va plastik jarroh Timur Haydarovga behayo so‘zlar bilan murojaat qildi va ularning sirlarini oshkor qilish bilan tahdid qildi. Bu haqda “Lenta.ru” nashri xabar berdi.

“Slava” o‘zining Instagram sahifasida ushbu ikki odamning uni alkogolizmda ayblaganini esladi va ular haqida jamoatchilikni hayratda qoldiradigan ma’lumotlarni bilishini aytdi. 

“Aytgancha, alkogol haqida. Timur Haydarov va Filipp Kirkorov haqida bir nechta sirlarni aytib berishimni xohlaysizmi? Menda ular haqida ko‘p sir bor. Agar ularni oshkor qilsam, siz hech qachon bu shifokorda davolanmaysiz yoki Kirkorovning konsertiga bormaysiz. Og‘zingizni yuming va qo‘llaringizni ayollardan torting”, degan xonanda Haydarov va Kirkorovning “tilini tiyishga” chaqirib.

Ma’lumot uchun, iyul oyida xonandalar “Slava” va Lyubov Uspenskaya Timur Haydarovni operatsiyalarni yomon bajarganlikda ayblagan. Xususan, “Slava” ko‘kragining muvaffaqiyatsiz plastik operatsiyasi haqida omma oldida gapirgan va tanasidagi igna izlarini ko‘rsatgan. Uspenskaya esa unga munosabat bildirib, hamkasbini qo‘llab-quvvatlagan va shifokorni “qassob” deb atagan.

Shundan so‘ng, Slava Filipp Kirkorovni yolg‘onchilikda ayblagan. Uning fikricha, qo‘shiqchi qo‘li bilan bog‘liq muvaffaqiyatsiz amaliyotni ko‘pchilikdan yashirmoqda.

“Odamlarni bu kabi aldash... Bilmayman, ehtimol u (Kirkorov)ning Haydarovdan oladigan ulushi bordir”, deb yozgandi o‘shanda “Slava”. 

Eslatib o‘tamiz, o‘tgan yili rossiyalik taniqli xonanda Filipp Kirkorov Toshkentda konsert bergandi. Konsert chog‘ida u kelib chiqishi o‘zbekistonlik bo‘lgan xonanda Nargiza Zokirovani “tasqara” deya haqorat qilgan.