Xvicha qachon PSJ a’zosi sifatida tanishtiriladi?
Sport
−
16 yanvar 687
Bugun, 16 yanvar kuni gruziyalik hujumchi Xvicha Kvaratsxeliya Parijga yetib kelishi kutilmoqda. Bu haqda futbol jurnalisti Fabris Xokins X sahifasida ma’lum qildi.
“Bugun kechqurun Parijda Xvicha Kvaratsxeliya PSJ a’zosi sifatida e’lon qilinishi kutilmoqda. Tibbiy ko‘rik 17 yanvar kuni ertalab bo‘lib o‘tadi, shundan so‘ng uning PSJ bilan 2029 yilgacha bo‘lgan shartnomasi imzolanadi”, deydi Xokins.
Qayd etish joiz, Kvaratsxeliya “Napoli”dan PSJga 70 million yevro evaziga ko‘chib o‘tdi. Xvicha Gruziya futboli tarixidagi eng qimmat transfer hisoblanadi.
Ma’lumot uchun, Italiya chempionatining joriy mavsumida 23 yoshli Xvicha Kvaratsxeliya 17 ta o‘yin o‘tkazib, 5 ta gol urdi va 3 ta golli uzatmani amalga oshirdi. U Italiya kubogida ham 1 ta o‘yin o‘tkazdi.
Live
BarchasiO‘zbekiston sun’iy yo‘ldosh yasayapti.
17 yanvar
