XTV yakuniy davlat imtihonlarini o‘tkazish bo‘yicha izoh berdi
Jamiyat
−
18 aprel 2020 7991
O‘zbekiston Respublikasi Xalq ta’limi vazirligi va tegishli davlat tashkilotlari 5-11-sinf o‘quvchilari uchun bosqichli nazorat va yakuniy davlat imtihonlarini o‘tkazish yo‘llari yoki bekor qilish masalasini muhokama qilmoqda. Bu haqda XTV Matbuot xizmati ma’lum qildi.
Ta’kidlanishicha, ishlab chiqilgan takliflar Maxsus hukumat komissiyasi muhokamasiga taqdim etiladi.
O‘zbekiston Respublikasi Xalq ta’limi vazirligi Maxsus hukumat komissiyasining bu masaladagi qarorini o‘z kanallari orqali ma’lum qiladi.
“Shu o‘rinda, o‘quvchilar “Onlayn maktab” kanallarida namoyish etilayotgan televizion darslar orqali bilim olishni davom ettirishlarini tavsiya etamiz”, deyiladi xabarda.
Live
Barchasi
