Xorijdagi o‘zbekistonliklarning qanchasi koronavirus yuqtirgani ma’lum bo‘ldi

Xorijda 80 nafarga yaqin O‘zbekiston fuqarosi koronavirus infeksiyasini yuqtirib olgan. Bu haqda Tashqi ishlar vazirligi matbuot kotibi Avazbek Hojimetov ma’lum qildi.

Quyidagi davlatlarda O‘zbekiston fuqarolari koronavirusga chalingan:

Avstriya — 1
Armaniston — 1
AQSH — 11
BAA — 1
Gretsiya — 6
Isroil — 1
Koreya Respublikasi — 1
Pokiston — 5
Rossiya — 42
Tailand — 1
Turkiya — 1
Yaponiya — 1
Qozog‘istonda — 6

Bu bugun, 18 aprel holatiga ko‘ra, Tashqi ishlar vazirligi Operativ shtabida mavjud ma’lumotlar. 

TIV vakilining so‘zlariga ko‘ra, virusga chalingan o‘zbekistonliklar bilan o‘sha davlatdagi O‘zbekiston diplomatik vakolatxonalari doimiy aloqada va zarur konsullik-huquqiy yordamlarini ko‘rsatmoqda.

Shuningdek, Avazbek Hojimetov chet elda bo‘lib turgan O‘zbekiston fuqarolaridan o‘sha davlatdagi karantin talablariga rioya qilishni so‘radi.

Eslatib o‘tamiz, bugungacha AQSHning Nyu-York shahrida koronavirusga chalingan 3 nafar va Rossiyaning Voronyoj  viloyatida bir nafar o‘zbekistonlik vafot etgan.