O‘qishni xorijdan imtihonsiz va tekinga ko‘chirishga ruxsat berildimi? Vazirlik izoh bilan chiqdi
Jamiyat
−
04 aprel 2022 11763
Ijtimoiy tarmoqlarda xorijiy oliy ta’lim muassasasida tahsil olyotgan fuqarolar o‘qishini ko‘chirish haqida hujjat tarqalmoqda. Unda yozda o‘qishni ko‘chirish test sinovlarisiz, tekinga amalga oshirilishi aytilgan. Oliy va o‘rta maxsus ta’lim vazirligi hujjat bo‘yicha rasmiy munosabat bildirib, uni soxta ekanini ma’lum qildi.
“Ijtimoiy tarmoqlarda xorijdan o‘qishni ko‘chirish bo‘yicha Oliy va o‘rta maxsus ta’lim vazirining birinchi o‘rinbosari K.Karimov imzosi tushirilgan xat va undagi ma’lumotlar hech qanday asosga ega emas, yolg‘on”, deyiladi vazirlik xabarida.
Idora fuqarolarni har xil soxta axborotlarga ishonib qolmaslikni yana so‘ragan.
Shu bilan birga, vazirlik asossiz va yolg‘on axborot tarqatganlik uchun qonunchilikda javobgarlik belgilanganini yana bir bor eslatib o‘tgan.
Live
Barchasi
