Kanselu faoliyatini La Ligada davom ettiradigan bo‘ldi
Sport
−
28 avgust 2023 2787
“Manchester Siti”ning portugaliyalik himoyachisi Joau Kanselu “Barselona”ga o‘tdi. Bu haqda futbol jurnalisti Fabritsio Romano o‘z X sahifasida ma’lum qildi.
Futbolchi Kataloniya klubiga ijara asosida to‘p suradi. Ijara shartnomasida sotib olish huquqi ham ko‘rsatilgan. Tez orada Ispaniya klubi futbolchini qancha miqdorga xarid qilishi mumkinligi haqida ma’lumotlar paydo bo‘ladi.
O‘tgan mavsum o‘rtalarida “Man Siti” Joauni “Bavariya”ga ijaraga berdi, chunki u Gvardiolaning yangi o‘yin tizimiga to‘g‘ri kelmadi. Jamoaga qaytganidan so‘ng, Kanselu klub safida birorta ham rasmiy o‘yin o‘tkazmadi va hatto qaydnomaga ham kiritilmadi.
Oxirgi mavsumda 29 yoshli futbolchi klub miqyosida 47 ta o‘yinda maydonga tushib, 3 ta gol urdi va 11 ta golli uzatmani amalga oshirdi. “Transfermarkt”ga ko‘ra, futbolchi qiymati 50 million yevroni tashkil etadi.
Live
Barchasi
