Kamola Harris nomzod bo‘lish uchun yetarli ovoz yig‘di

AQSH vitse-prezidenti Kamola Harris joriy yilning noyabr oyida bo‘lib o‘tishi rejalashtirilgan prezidentlik saylovi uchun nomzod bo‘lishda yetarli ovoz yig‘ishga muvaffaq bo‘ldi. Bu haqda kecha, 2 avgust kuni Demokratlar milliy qo‘mitasi raisi Jeymi Xarrisonga tayanib, SNN xabar berdi.

AQSHning amaldagi Prezidenti Jo Bayden Harrisdagi bu rivojlanishni olqishlagan.

“Men qabul qilgan eng yaxshi qarorlardan biri Kamola Harrisni vitse-prezident etib saylaganim bo‘ldi. U endi bizning partiyamiz nomzodi bo‘ladi va men bundan faxrlanaman”, deb yozgan u Facebook sahifasida.

Demokratik Milliy Konvensiya delegatlari qabul qilgan elektron saylov byulletenlariga faqat Kamola Harrisning ismi kiritilgan. Rasmiy ravishda prezidentlikka nomzod sifatida ko‘rsatilishi uchun uni kamida 1976 delegat qo‘llab-quvvatlashi kerak edi. Virtual ovoz berish 5 avgust kuni tugaydi. Demokratik partiyaning milliy qurultoyi esa 19-22 avgust kunlari Chikagoda bo‘lib o‘tadi. Biroq Harrisning nomzodini oldindan rasman tasdiqlash bilan u yerda ovoz berish shunchaki rasmiyatchilik bo‘ladi.

“Men Demokratik partiyadan AQSH prezidentligiga taxminiy nomzod bo‘lishdan faxrlanaman. Virtual ovoz berish muddati yopilgandan so‘ng, keyingi hafta sizning nomzodingizni rasman qabul qilaman”, deydi Harris.

Eslatib o‘tamiz, avvalroq AQSH vitse-prezidenti Kamola Harris “Reuters” va “Ipsos” agentliklari tomonidan o‘tkazilgan milliy so‘rovnomada sobiq prezident Donald Trampni ortda qoldirgani xabar qilingandi. Unga ko‘ra, Harrisni respondentlarning 44 foizi, Trampni esa 42 foizi qo‘llab-quvvatladi.