Qo‘yliqda katta tezlikda harakatlangan avtobus xonadon devoriga urildi

3-sahifa 8817
image
-

Bugun, 8 oktyabr kuni Toshkentning Qo‘yliq mavzesida yuqori tezlikda harakatlanib kelgan yo‘lovchi avtobusi xonadon devoriga borib urildi. Bu haqda QALAMPIR.UZ manbasi xabar bermoqda.

Qayd etilishicha, hodisa bugun, 8 oktyabr kuni ertalabki soat 6:00 larda Uysozlar va Uysozlar 2-tor ko‘chalari kesishmasida sodir bo‘lgan.

Ma’lum qilinishicha, avtobus yuqori tezlikda harakatlanib kelib, yo‘lning kesishgan joyidan qayrilmoqchi bo‘lgan. Biroq, shu vaqtda orqa g‘ildiraklar tormozi ishlamay qolgan va yo‘l chetidagi svetoforni ag‘darib, so‘ng xonadon devoriga borib urilgan.

Hodisa oqibatida jabrlanganlar yo‘q, ammo xonadon devoriga, shuningdek avtobusning old qismiga zarar yetgan.

Mazkur holat yuzasidan “Toshshahartransxizmat” AJ va boshqa vakolatli tashkilotlar hozircha rasmiy ma’lumot bermadi.

Diyora Abdurahmonova
Maqolaga baho bering
Baholaganlar: 251
Reyting: 3.1
Teglar
t
×