Quyoshda uchta kuchli chaqnash yuz berdi (video)
Olam
−
17 Iyul 2023 10166 1 daqiqa
Kecha, 16 iyul kuni Quyoshda uchta kuchli chaqnash sodir bo‘ldi. Bu haqda akademik Fyodorov nomidagi Amaliy geofizika institutining geliogeofizika xizmati xabar berdi.
Qayd etilishicha, Moskva vaqti bilan soat 11:26 da rentgen diapazonida M 1.1 sinfining chaqnashi qayd etilgan. Chaqnash davomiyligi 14 daqiqa davom etgan.
“Chaqnash yuqori chastotali radio aloqasining uzilishi bilan birga keldi”, deyiladi xabarda.
Moskva vaqti bilan soat 18:08 va 20:46 da Quyoshda yana ikkita M 1.8 va M 4.0 sinfida chaqnash yuz bergan.
Rentgen nurlanishining kuchiga ko‘ra, Quyoshdagi chaqnashlar quyidagi sinflarga bo‘linadi: X - eng kuchli, M - o‘rtacha, S - zaif, A va B – deyarli sezilmaydi.
Chaqnashlar quyosh plazmasining chiqishi bilan birga keladi. Oqibatda chaqnashlar Yerga etib kelib, magnit bo‘ronlarini keltirib chiqarishi mumkin.
Live
Barchasi
