Qo‘qondagi bozorda sodir bo‘lgan yong‘in 4 soatda o‘chirildi
3-sahifa
−
13 iyun 2023 9088
Kecha, 12 iyun kuni soat 19:17 da Farg‘ona viloyati Qo‘qon shahrida joylashgan savdo kompleksida yong‘in yuzaga kelgan edi. Mazkur yong‘in oradan 4 soat o‘tib o‘chirildi. Bu haqda Favqulodda vaziyatlar vazirligi Matbuot xizmati xabar berdi.
Qayd etilishicha, dastlab soat 19:25 da savdo komplekslari ochiq alanga bilan yonayotganligi ma’lum bo‘lgan. Yong‘in-qutqaruv bo‘linmalari tomonidan yong‘in 20:25 da qurshab olinib, yong‘in soat 23:30 da bartaraf etilgan.
“Yong‘inning kelib chiqish sababi va moddiy zarar miqdorini aniqlash ishlari olib borilmoqda”, deyiladi xabarda.
