Qo‘qonda Damas odam urib yubordi, marhum velosipedda bo‘lgan
Jamiyat
−
24 aprel 2020 6736
Joriy yilning 22 aprel kuni Qo‘qon shahrining Farobiy ko‘chasida halokatli yo‘l transporti hodisasi ryo‘ berdi. V.A. boshqaruvidagi Damas rusumli avtomashina velosipedchi T.J.ni urib yubordi. Oqibatda T.J. jarohat olib shifoxonaga olib borildi. Biroq ko‘rsatilgan yordamlarga qaramay, u vafot etdi.
Farg‘ona viloyati IIB Axborot xizmatining ma’lum qilishicha, mazkur holat yuzasidan Qo‘qon shahar IIO FMB huzuridagi tergov bo‘limi tomonidan Jinoyat kodeksining 266-moddasi 2-qismi bilan jinoyat ishi qo‘zg‘atilib, tergov harakatlari olib borilmoqda.
Ma’lumot o‘rnida, Jinoyat kodeksining 266-moddasi 2-qismida ko‘rsatilgan jinoyatni sodir etgan shaxs yetti yilgacha ozodlikdan mahrum qilish bilan jazolanishi mumkin.
Live
Barchasi
