Qozog‘istonda o‘zbekistonliklar ishtirokidagi YTH yuzasidan qo‘shimcha ma’lumot berildi

Olam

image
0:00
0:00
download

Avval xabar berganimizdek, bugun, 16 iyul kuni Qozog‘iston Respublikasi Qorag‘anda oblasti Shetskiy tumanida MAN yuk mashinasi va Mercyedyes-Benz Sprinter yo‘lovchi mikroavtobusi to‘qnashishi oqibatida yo‘l-transport hodisasi sodir bo‘ldi.

Favqulodda vaziyatlar vazirligi holat yuzasidan qo‘shimcha ma’lumot berdi.

O‘rganish natijalariga ko‘ra, Mercedes-Benz Sprinter mikroavtobus salonida bo‘lgan 18 nafar yo‘lovchidan 8 nafari vafot etgani aniqlangan. Halok bo‘lganlarning shaxsiga aniqlik kiritilganda ularning orasida O‘zbekiston fuqarolari yo‘q ekani aniqlangan.

Shuningdek, 10 nafari turli darajalarda tan jarohati olgan, ularning 5 nafari O‘zbekiston fuqarolari bo‘lib, ayni vaqtda ularga Aksu-Ayuli qishloq shifoxonasida malakali tibbiy xizmat ko‘rsatilmoqda. Ulardan 1 nafariga ambulator davolanish uchun ruxsat berilgan.

Qayd etish kerakki, dastlab e’lon qilingan shoshilinch xabarda YTH oqibatida 2 nafar O‘zbekiston fuqarosi xalok bo‘lgani aytilgandi. 

“Qozog‘iston mas’ul xizmatlari tomonidan mukammal o‘rganilib, fuqarolarning shaxsiga aniqliklar kiritilganda xalok bo‘lganlar orasida O‘zbekiston fuqarolari yo‘qligi ma’lum bo‘ldi”, deyiladi vazirlik xabarida.


Maqola muallifi

Teglar

YTH

Baholaganlar

202

Reyting

3.1

Maqolaga baho bering

Doʻstlaringiz bilan ulashing