Qozog‘istonda taniqli MMA jangchisi otib ketildi (video)
Sport
−
19 yanvar 17257
Qozog‘istonning O‘skemen shahrida taniqli MMA jangchisi Elyor Yunusmetov halok bo‘ldi. Bu haqda “Zakon.kz” xabar berdi.
Manbaga ko‘ra, holat shu yilning 13 yanvar kuni sodir bo‘lgan. Noma’lum shaxs ko‘chada sportchiga qarata ikki marta o‘q uzgan. O‘qlar Yunusmetovning boshiga tekkan va sportchi voqea joyida halok bo‘lgan.
Qayd etilishicha, 27 yoshli gumonlanuvchi politsiya tomonidan qo‘lga olingan. Surishtiruvga ko‘ra, noma’lum shaxs Yunusmetovni xotini bilan uchrashib yurganlikda gumon qilib, otganini aytgan.
Hozirda hodisa yuzasidan jinoyat ishi qo‘zg‘atilib, tergov harakatlari olib borilmoqda.
Ma’lumot uchun, Elyor Yunusmetov 1990 yilda tug‘ilgan. U MMA'dagi faoliyati bilan tanilgan. Yunusmetov xalqaro toifadagi sportchi hisoblanadi.
Live
Barchasi
