Qozog‘istonda “akademiklar”ning ko‘pligi To‘qayevni shubhalantirdi

Qozog‘iston Respublikasi Prezidenti Qosim-Jomart To‘qayev Fan va texnologiyalar bo‘yicha Milliy kengashning birinchi yig‘ilishida Milliy fanlar akademiyasi faoliyatida tub o‘zgarishlar bo‘lishi kerakligini aytdi. Bu haqda Akorda matbuot xizmati xabar berdi.

“Ochig‘ini aytaman: bizda akademiklar ko‘p, ularning ba’zilarining fanga umuman aloqasi yo‘q. Ko‘rinib turibdiki, odam akademik bo‘la turib, uning ilm-fan rivojiga qo‘shgan hissasi hech kimga mutlaqo noma’lum. Bunday akademiklarning ilmiy bilimlari ham, ularning yutuqlari ham jiddiy shubhalarni uyg‘otmoqda”, degan Qozog‘iston rahbari.

Prezidentning fikricha, bu akademiya nufuziga putur yetkazadi. Shuning uchun akademiyaning yangi rahbariyati ushbu dolzarb muammoga jiddiy e’tibor qaratishi lozim. To‘qayev Milliy Fanlar akademiyasining nufuzi va maqomi benuqson bo‘lishi kerakligini ta’kidlab, uning faoliyatida keskin o‘zgarishlar kutishini bildirgan.

Bundan tashqari, davlat rahbari ilmiy hamjamiyatni ilm-fanga davlat tomonidan ajratilayotgan mablag‘ni tekin oziqlantiruvchi sifatida qabul qilmaslik haqida ogohlantirgan. 

“Alohida aytmoqchimanki, ilm-fanni davlat tomonidan moliyalashtirish olimlar emas, balki soxta olimlarni bepul oziqlantiruvchi vosita sifatida ko‘rib chiqilishi kerak. Sizga sir emaski, haqiqiy ilmiy ahamiyatga ega bo‘lmagan tegishli loyihalar ko‘pincha moliyaviy grantlarga moslashtirilyapti”, degan To‘qayev.