Qozog‘iston yil boshidan buyon O‘zbekistonga necha tonna Rossiya neftini yetkazib berdi?

2023 yilning birinchi ikki kvartalida Qozog‘iston O‘zbekistonga 48,6 ming tonna Rossiya neftini yetkazib berdi. Bu haqda KazTransOil kompaniyasi Matbuot xizmati xabar berdi.

Birinchi kvartalda 10,7 ming tonna, ikkinchi chorakda 37,9 ming tonna neft jo‘natilgan. Neft “KazTransOil” magistral neft quvurlari tizimi orqali tashiladi.

Qozog‘iston kompaniyasi neftni tashish Qozog‘iston Energetika vazirligi tomonidan tasdiqlangan yetkazib berish jadvaliga muvofiq amalga oshirilayotganini qo‘shimcha qilgan.

Kompaniya Rossiya neftini O‘zbekistonga yetkazib berish 2017 yilda boshlangan. Shu yili tranzit hajmi 67,9 ming tonnani, 2018 yilda 36 ming tonnani tashkil etgan. 2019-2022 yillarda Rossiya neftining Qozog‘iston orqali O‘zbekistonga tranziti bo‘lmagan.

KazTransOil – Qozog‘istonning milliy neft quvurlari operatori. Kompaniyaning 90% oddiy aksiyalari “KazMunayGaz” OAJga tegishli, qolgan 10 foiz oddiy aksiyalar minoritar aksiyadorlar tomonidan nazorat qilinadi. KazTransOil neftni ichki bozorga, tranzit va eksportga tashish bo‘yicha xizmatlar ko‘rsatadi. KazTransOil magistral neft quvurlarining umumiy uzunligi qariyb 5,4 ming kilometrni tashkil etadi.