Qozog‘iston koronavirus tarqalishining “pik” nuqtasidan o‘tdi – vazir

Olam

−

03 avgust 2020 visibility14934 timer1 daqiqa

Qozog‘istonda koronavirus tarqalishining eng avj nuqtasidan o‘tib oldi. Mamlakatda vaziyat barqarorlashdi. Bu haqda Qozog‘iston Sog‘liqni saqlash vaziri Aleksey Soy ma’lum qildi.

Vazirning so‘zlariga ko‘ra, G‘arbiy Qozog‘iston, Oqmo‘la, Olma-ota, Turkiston, Qo‘stanay, Mang‘istov viloyatlari va poytaxt Nur-Sultonda vaziyat tezlik bilan yaxshilanyapti.

Aleksey Soy mamlakatdagi statsionarlarning 34 foizi bandligini, bu jami o‘rinlarni 49 mingga yetkazish hisobiga bo‘lganini ta’kidladi.

So‘nggi ma’lumotlarga ko‘ra, Qozog‘istonda 92 662 kishida koronavirus aniqlangan. Ularning 67,5 foizi yoki 62 511 nafari sog‘aygan. Bugungacha 1058 kishi koronavirusdan vafot etgan.

Avvalroq, Qozog‘istonda karantin yana 2 haftaga uzaytirilib, 17 avgustgacha davom etishi haqida xabar bergan edik.

Maqola muallifi