Qovunlar orasiga yashirinib, Rossiyaga kirishga uringan o‘zbekistonliklar ushlandi (video)
3-sahifa
−
31 iyul 9096
Qovun ortilgan yuk mashinalaridan birida qutilar orasiga yashirinib, Rossiya hududiga kirmoqchi bo‘lgan o‘zbekistonliklar ushlandi. Bu haqda “Mash” xabar berdi.
Qayd etilishicha, Saratov viloyatining Ozinki qishlog‘idagi nazorat-o‘tkazish punktida chegarachilar yuk mashinasini to‘xtatgan. Hujjatlarga ko‘ra, uning ichida faqat qovunlar bo‘lishi kerak edi. Biroq yuk mashinasi tekshirilganda qutilar ostida to‘rt nafar o‘zbekistonlik borligi aniqlangan.
Ta’kidlanishicha, haydovchi va qonunbuzarlarga nisbatan Rossiya davlat chegarasini noqonuniy kesib o‘tish moddasi bo‘yicha jinoyat ishi qo‘zg‘atilgan. Ularga 5 yilgacha qamoq jazosi tayinlanishi mumkin.
Live
Barchasi
